Regulering av fisket i 2008

Regulering av fisket etter brisling i 2008
Fiskeri- og kystdepartementet har fastsett regulering av fisket etter brisling i EU-sona i Nordsjøen og Skagerrak for 2008.
Norske fiskarar kan fiske 10.063 tonn i EU-sona og 3.900 tonn i Skagerrak.Skagerrak-kvoten går til det tradisjonelle kystbrislingfisket.
Farty med rett til å delta i havbrislingfisket i EU-sona, skal melde utsegling til Norges Sildesalgslag.Med utsegling meiner ein det tidspunktet fartyet forlet hamna for direkte segling til feltet.Alle farty vert gitt ein maksimalkvote på 800 tonn.

Fisket startar 1. januar 2008.

Det er forbode å fiske brisling i EU-sona og i norsk økonomisk sone frå 1. april til 31. juli 2008, og det er forbode å fiske brisling i norsk økonomisk sone i Nordsjøen så lenge fisket i EU-sona føregår.
For kystbrislingfisket vil fredingsperioden forlengast til 31. juli, i samsvar med endringa som blei gjort i 2007.

Regulering av fisket etter reker i Nordsjøen og Skagerrak i 2008
Fiskeri- og kystdepartementet har fastsett forskrift om regulering av fisket etter reker i Nordsjøen og Skagerrak i 2008.
Den norske totalkvoten for 2008 er på 9731 tonn, som er ein auke på 400 tonn i forhold til inneverande år. Av dette kan 4316 tonn fiskast i norsk sone i Nordsjøen og 5415 tonn i Skagerrak.  

Reguleringane for inneverande år vert i hovudsak vidareførde i 2008. Det inneber at den samla kvoten kan fiskast over tre periodar. I den første perioden fram til 30. april kan 40 prosent av den samla kvoten fiskast, i dei to neste periodane 30 prosent i kvar periode.

Maksimalkvoten for det einskilde fartøyet er sett til 50 tonn i første periode og 40 tonn i kvar av dei etterfølgjande periodane. Fiskeridirektoratet vil følgje utviklinga i fisket og vurdere å auke maksimalkvotene.   Fartøy under 20 meter største lengde kan halde fram fisket innanfor eit garantert kvantum på 7 tonn i kvar av dei tre periodane, sjølv om periodekvotene er oppfiska. Det einskilde fartøy sitt fiske er avgrensa til 5 tonn reker pr. tur, noko som er ei auke frå 4 tonn i 2007. Helgedagsfredinga vert vidareført.

Regulering av fisket etter raudspette i Nordsjøen og Skagerrak i 2008
Fiskeri- og kystdepartementet har fastsett forskrift om regulering av fisket etter raudspette i Nordsjøen og Skagerrak i 2008.
Den norske kvoten i Nordsjøen for 2008 er på 1105 tonn, medan kvoten i Skagerrak er på 187 tonn. Til saman er dette ei lita auking av kvoten frå 2007.

I reguleringane vert det som i tidlegare år lagt opp til å sikre fiskemuligheitene for det konvensjonelle raudspettefisket, og å unngå at dette fisket vert stoppa i løpet av året. 

I fisket i Nordsjøen er det avsett 60 tonn til fartøy som fiskar med konvensjonelle reiskapar, medan 1045 tonn tilfell trålarane. 

I Skagerrak er det avsett 80 tonn til fartøy som fiskar med konvensjonelle reiskapar, og 107 tonn til trålarane.

For trålfartøy som fiskar raudspette i Nordsjøen gjeld ein maksimalkvote på 420 tonn, medan det for trålfartøy gjeld ein maksimalkvote på 35 tonn i fisket etter raudspette i Skagerrak. Fisket kan verte stoppa dersom totalkvota eller gruppekvota vert berekna oppfiska.

Regulering av fisket etter sjøtunge i EU-sona i 2008
Fiskeri- og kystdepartementet har fastsett forskrift om regulering av fisket etter sjøtunge i EU-sona i 2008.

Norske fartøy som fiskar med konvensjonelle reiskap kan drive eit direktefiske etter sjøtunge i EU-sona i statistikkområde IV innafor ei totalkvote på 90 tonn.
Fartøy som fiskar med trål kan ha sjøtunge som bifangst innanfor kvota på 90 tonn

13-12-2007 21:23:22